МХО ерҙәрендә булған ир-егеттәргә ярҙам итергә кәрәк

Яңы Муллаҡай ауыл мәҙәниәт йортонда маскировка селтәрҙәрен үреү һәм махсус хәрби операциялағы яугирҙар өсөн гуманитар ярҙам йыйыу буйынса әүҙем эш дауам итә. Муллаҡай ҡатын-ҡыҙҙары  был изге эштә ҙур теләк менән ҡатнаша.

-Беҙ маскировка селтәрҙәрен эшләүҙә ҡатнаша алыуыбыҙға бик шатбыҙ, сөнки хәҙер махсус хәрби операция ерҙәрендә булған ир-егеттәргә ярҙам итергә кәрәк. Илебеҙҙе һаҡлаусыларҙың ышаныслы тылыбыҙ барлығын, уларҙы яратыуыбыҙҙы һәм еңеүгә ышаныуыбыҙҙы аңлауы мөһим. Был беҙҙең дөйөм эшкә ҙур өлөшөбөҙ, – ти ауыл ҡатын-ҡыҙҙары.   

Яңы йылдың беренсе айында ауыл ирекмәндәре 6×3 метр ҙурлыҡтағы туғыҙ маскировка селтәрен үргән. Ошо изге эшкә йәнен һалған һәр ирекмәнгә ихлас рәхмәт белдерәбеҙ. Һеҙҙең тырышлығығыҙ яугирҙарыбыҙға илһам һәм көс өҫтәй.